أكتشاف والقضاء على الهاكر للمبتدئين (طريق سريعه)

السلام عليكم ورحمه الله وبركاته 

النهارده جايب لكم طريقه شبه مضمونه للتخلص من أى هاكر بيتجسس على جهازك 

ملحوظه: هذه الطريقه غير مضمونه مائه بالمائه فهي تعتمد على كشف الأتصالات الخارجه من جهازك وغلقها

نبدأ 

بسم الله الرحمن الرحيم 

قبل كل شئ أغلق اى تطبيق يعتمد على الانترنت بما فيه هذه الصفحه (يمكنك نسخ الموضوع في ملفword ) ولما تخلص أبقى تعالى ورد :cool: 

أول خطوه نبدأ من قائمه Start او أبدأ 

ونختار Run ولما تفتح نافذه جديده اكتب فيها Cmd وأضغط Enter

وبعدين تنفتح نافذه ال CMD وتكون بهذا الشكل 

الخطوه الثانيه 

شرح الصوره 

بعد أول خطه وفتح نافذه ال CMD تظهر تقريباً مثل هذه في الصوره 

1-أول ما تفتح النافذه تكتب التالى Netstat -Ano (هايظهر لك كل الكلام اللى بعد جمله "active connection") كما هو ظاهر بالصوره. 

2-هذا العمود به الرم التعريفي لكل كونيكشن لديك على جهازك (pid) تذكره لأننا سنحتاجه فيما بعد 

3-الحاله (state) وهي تعطيك حاله كل اتصال أن كان متصل أم لا 

4-في حاله أن كان متصل سيعطيك هذه الكلمه (established) ركزوا على النقطه ديه لأن الموضوع كله بيعتمد على الحاله ديه لأنك لما تقفل كل التطبيقات اللى بتعتمد على الأنترنت اللى أنت شايفها وتلاقي تطبيق في نافذه ال cmd ديه شغال ومتصل established معناه أن فيه عمليه أتصال بينك وبين كمبيوتر او سيرفر بعيد تتم في الخفاء.

5-foreign address بيعطيك هذا العمود ألأى بي ip الخاص بكل عمليه اتصال معناه العنوان الاجنبي أى العنوان اللى بتطلع له البيانات من جهازك وهذا موجود في كل البرامج اللى بتستخدم الانترنت 

بمعني لو في مره قفشت واحد من دول بيهكر عليك يبقى هوا ده الأي بي بتاعه وممكن يكون بيستعمل برنامج لأخفاء الأي بي فا مالهوش لازمه أوى الا لو كنت محترف وعايز تنتقم :D

ننزل النافذه ديه تحت وتفتح مدير المهام (TASK MANAGER) تفتح مدير المهام بالضغط على مفاتيح ALT+CTRL+DELET 

في مدير المهام (task manager)

أضغط على PROCESSES ثم .....

1- VIEWمن الأعلى كما هو موضح بالصوره 

2-من القائمه المنسدله أختر SELDECT COLUMNS 

3-ستظهر لك نافذه بعنوان SELECT COLUMNS 

4- تعلم على جمله PID (Process Identifier) .

5- تضغط على ok.

6- هايظهر لك عمود أرقام تعريف العمليات كما هو موجود بنافذه ال cmd نفس الارقام في ال سي أم دي ستجدها في مدير المهام (task manager) . 

الخطوه قبل الأخيره 

بعد كل المعطيات اللى أمامك الان 

ترجع لل سي ام دي وتشوف العمليات اللى قدامها established وتشوف رقمها كام مثلاً انا سايب برنامج الياهوو كمثال ورقمه في السي ام دي 4044 

لما رجعت على مدير المهام دورت على رقم 4044 ووجدت امامه أسم العمليه yahoo messanger كما بالصوره 

الأن نريد انهاء او فصل عمليه الأتصال هذه 

الخطوه الاخيره 

تعلم على العمليه المراد انهائها بالماوس ستجد خلفيه النص وقد تغير لونها للون الأزرق كما بالصوره
تذهب الى زر end process في أسفل نافٍذه مدير المهام task manager وتٍضغط عليه 
ستظهر رساله تحذير كما بالصوره 
مفادها أن العمليه التى تريد انهائها قد تسبب نتائج غير مرغوبه منها ضياع بيانات وعدم أستقرار النظام 
لكن هذا يحدث في حاله أنك تريد انهاء عمليه من عمليات النظام والتى عاده سيكون ظاهر بجانبها كلمه system بدلاً من owner او اسم جهازك 
المهم في الأخر خالص تضغط على زر yes وبكدا تكون انتهت عمليه الاتصال ترجع تعمل الخطوه بتاعت ال سي ام دي عشان تشوف أذا كان لسه فيه عمليات أتصال ولا خلاص


ملحوظه نفس الكلام ممكن يتطبق على ويندوز 7 او فيستا باختلاف الأشكال (المظاهر فقط)


أرجو أن اكون قد وفقت